علی گڑھ میں کورونا کے 37 مزید معاملے درج، تعداد پہنچی 957

ملک بھر میں کورونا وائرس کیسز میں تیزی سے اضافہ ہوتا جا رہا ہے۔ علی گڑھ میں آج کورونا کے 37 نئے کیسز سامنے آئے ہیں۔

ریاست اترپردیش ضلع علی گڑھ میں کورونا وائرس کی مزید 37 رپورٹ مثبت آنے سے متاثرین کی تعداد 957 ہو گئی ہے۔

اب تک 25 کورونا متاثرین کی موت ہو چکی ہے، 619 صحتیاب اور 313 اکٹیو کیس ہیں۔

علی گڑھ میں کورونا وائرس سے متاثرین کی تعداد میں مسلسل اضافہ ہو رہا ہے۔ ریلوے ملازمین اور جیل کے قیدی سمیت 37 رپورٹ اے ایم یو کے جواہر لعل نہرو میڈیکل کالج اور پرائیویٹ لیب سے مثبت آئی ہے۔

علی گڑھ ڈی ایم چند بھوشن سنگھ نے ایک بار پھر عوام سے اپیل کی ہے کہ وہ اپنے گھروں میں ہی رہیں، ضرورت پر ہی گھر سے باہر نکلے۔