ریاست اتر پردیش کے ضلع بریلی میں انتظامیہ کی جانب سے ایک بڑی چوک کا معاملہ سامنے آیا ہے۔ لاک ڈاؤن کی وجہ سے یہاں درگاہ میں 300 زائرین پھنس گئے تھے۔ انتظامیہ کو بھی اس کی جانکاری دی گئی لیکن انتظامیہ کے افسران نے کوئی توجہ نہیں دی۔ جب ای ٹی وی بھارت کی ٹیم موقع پر پہنچی تب ان سب کو وہاں سے نکالا گیا۔
دراصل شاہ دانا والی درگاہ میں لاک ڈاؤن کے دوران 200 سے 300 افراد پھنس گئے تھے۔ یہ لوگ یہاں درگاہ پر منت مانگنے آئے تھے۔ یہاں الگ الگ ریاستوں سے لوگ آتے ہیں۔ یہ زائرین بھی آئے تھے۔ یہ زائرین لاک ڈاؤن کی وجہ سے 10 روز سے پھنسے تھے۔
اس معاملے میں شاہ دانا والی درگاہ کے متولی عبدالواجد نے 23 مارچ کو تھانہ بارادری کو اس سے متعلق جانکاری دی، لیکن نتیجہ صفر رہا۔ اس کے بعد ضلع انتظامیہ کو معاملے کی جانکاری دی گئی لیکن نتیجہ پھر وہی رہا۔ آخر ای ٹی وی بھارت کی ٹیم کو معاملے کی جانکاری ہوئی۔ جس کے بعد پولیس حرکت میں آئی اور سبھی کو باہر نکالا گیا۔ ان کی اسکریننگ بھی کی گئی۔
