سپرنٹنڈ نٹ آف پولیس ایس پی تروینی سنگھ نے بتایا کہ منگل کو اعظم گڑھ کے جہانا گنج تھانے کی پولیس چوری کے ملزم رام اودھ اور راج کمار کو گرفتار کر کے سی جے ایم عدالت میں پیشی کے لئے لے کر آئی تھی۔ اسی دوران عدالتی احاطے سے رام اودھ دونوں پولیس اہلکار سے نظریں چرا کر فرار ہوگیا۔
چور کے فرار ہونے پر پہلے دونوں پولیس اہلکار نے اپنی سطح پر اسے تلاش کرنے کی کوشش لیکن گھنٹوں بعد جب وہ اسے تلاشنے میں ناکام رہے تو اس کی اطلاع افسران کو دی۔
انہوں نے بتایا کہ اطلاع کے بعد پولیس کے اعلی افسران عدالت پہنچے اور پورے ضلع میں سخت چیکنگ مہم کا آغاز کیا لیکن دیر شام تک ملزم کا کوئی سراغ نہیں لگا۔مفرور ملزم کی تلاش میں پولیس کی کئی ٹیمیں لگائی گئی ہیں۔ عدالت میں پیشی کے لئے ملزم کو لے کر آئے دونوں پولیس اہلکار سے پوچھ گچھ کے ساتھ ہی معاملے کی چھان بین کی جارہی ہے۔
انہوں نے بتایا کہ اس معاملے میں ایس آئی رام بہادر یادو،ہیڈ کانسٹیبل اما شنکر سنگھ، کانسٹیبل اجے کمار کو معطل کردیا گیا ہے۔
