ملک بھر میں کورونا مریضوں کی تعداد میں مسلسل اضافہ ہو رہا ہے۔ علی گڑھ میں بھی کورونا متاثرین کی تعداد میں تیزی سے اضافہ ہو رہا ہے۔
اطلاع کے مطابق گزشتہ 24 گھنٹوں کے دوران اس مہلک وبا سے 13 افراد کی ہلاکت ہو گئی ہے، جس میں علی گڑھ مسلم یونیورسٹی کے اسسٹنٹ پروفیسر بھی شامل ہیں۔ اس دوران کورونا کے 288 کیسز کی تصدیق ہوئی ہے۔ وہیں 108 متاثرین کو صحتیاب ہونے کے بعد ہسپتال سے ڈسچارج کیا گیا ہے۔ موجودہ وقت میں ضلع علی گڑھ میں تقریبا 1785 فعال کیسز موجود ہیں۔
کورونا کے بڑھتے کیسز پر قابو پانے کے لیے علی گڑھ انتظامیہ نے بیرونی ممالک اور مہاراشٹر، پنجاب، دہلی، مدھیہ پردیس کے علاوہ دیگر ریاستوں سے آنے والے لوگوں کے لئے کورونا کنٹرول روم نمبر 05712420100، 101 جاری کیا ہے۔
وہیں علی گڑھ کے ڈی ایم چندر بھوشن سنگھ نے لوگوں سے اپیل کی ہے کہ سماجی دوری کا خاص خیال رکھیں، ماسک اور سینیٹائزر کا استعمال ضرور کریں۔
