بنگلادیش کے 12 تبلیغی ارکان کے خلاف مقدمہ درج

اتر پردیش میں بنگلہ دیش سے تعلق رکھنے والے 12 تبلیغی ارکان پر غیر ملکی ایکٹ کی خلاف ورزی کا مقدمہ درج کیا گیا ہے۔ ان افراد نے گزشتہ ماہ دہلی میں تبلیغی جماعت کے پروگرام میں شرکت کی تھی۔

اتر پردیش کے ضلع مظفر نگر میں 12 بنگلادیشی شہریوں کے خلاف پولیس نے مقدمہ درج کیا ہے۔ یہ 12 افراد گزشتہ ماہ دہلی کے نظام الدیں تبلیغی مرکز میں گئے تھے۔

پولیس نے کہا 'ان سبھی لوگوں کو ضلع شاملی میں ایک قرنطینہ سنٹر میں رکھا گیا ہے، ان میں سے 2 افراد کورونا وائرس ٹیسٹ میں مثبت پائے گئے ہیں'۔

پولیس کا کہنا ہے 'سبھی 12 افراد کو پولیس نے غیر ملکی ایکٹ کی خلاف ورزی کرنے کے تحت تھانہ بھون میں مقدمہ درج کیا ہے'۔

پولییس کا یہ بھی کہنا ہے 'ہم نے مزید دو لوگوں کو ہراست میں لیا ہے جنہوں نے ان 12 افراد کو رہنے کی جگہ دی تھی'۔

پولیس نے بتایا کہ انہوں نے سبھی 12 افراد کو بھسانی گاوں کی ایک مسجد سے قرنطینہ وارڈ میں منتقل کیا تھا۔