اترپردیش کے ضلع فیروزآباد میں ڈینگو اور وائرل بخار کا قہر جاری ہے۔ ہفتہ کو میڈیکل کالج کے ڈینگو وارڈ میں 110 نئے مریض علاج کے لئے داخل کرائے گئے ہیں۔
میڈیکل کالج ذرائع کے مطابق آج شام بخاار سے متاثر 110 نئے مریضوں کی داخل کرایا گیا ہے اور 161 مریض ٹھیک ہونے کے بعد ڈسچارج کئے گئے ہیں۔ اس وقت میڈیکل کالج میں 365 مریضوں کا علاج جاری ہے۔ انہوں نے بتایا کہ اس کے علاوہ پرائیویٹ کلینک اور کمیونٹی ہیلتھ سنٹروں پر بھی مریضوں کا علاج چل رہا ہے۔ بڑی تعداد میں سخت علیل مریض آگرہ اور دہلی کا رخ کررہے ہیں۔
یہ بھی پڑھیں: خستہ حال سڑکوں پر اشتہارات والی گاڑیاں
ڈسٹرکٹ مجسٹریٹ چندر وجے سنگھ کی ہدایت پر شہری علاقوں میں افسران کی قیادت میں خصوصی صفائی مہم اور بیداری مہم چلائی جارہی ہے۔ ڈی ایم ، سی ایم او اور متعدد امراض کے ڈائرکٹر نے میڈیکل کالج شکوہا آباد، دیدا مئی کمیونٹی ہیلتھ سنٹر کا جائزہ لے کر مریضوں کے حالات اورمسائل کی جانکاری لی۔
یو این آئی
