نوئیڈا انتظامیہ، پولیس اور محکمہ صحت کے افسران کی جانب سے ضلعی عوام کو کورونا سے بچانے کے لئے بڑے پیمانے پر کوششیں جاری ہیں۔ وہیں شاردا کووڈ 19 اسپتال میں 104 سالہ کورونا سے متاثرہ رابعہ احمدی کو صحتیابی کے بعد اسپتال سے ڈسچارج کیا گیا ہے جو انتظامیہ اور محکمہ صحت کے لئے کورونا کے حوالے سے ایک بڑی کامیابی ہے۔
واضح رہے کہ گزشتہ 7 روز سے 104 سالہ رابعہ احمدی کا شاردا اسپتال میں ڈاکٹروں کی ٹیم کے ذریعہ پروٹوکول کے مطابق علاج کیا جارہا تھا۔ یہاں تک کہ رابعہ احمدی کے دل کی بیماری، بے خوابی اور الزائمر کی بیماری میں مبتلا ہونے کے بعد بھی ڈاکٹروں کی ٹیم نے بہتر علاج فراہم کر کے انہیں کورونا انفیکشن سے نجات دلائی۔
ڈسٹرکٹ مجسٹریٹ سہاس ایل وائی کی ہدایت پر ایڈیشنل ڈسٹرکٹ مجسٹریٹ انتظامیہ دیواکر سنگھ موقع پر پہنچے اور متعلقہ کورونا واریئر کو تحفہ دے کر خوشحال زندگی کی خواہش کی۔
