ڈسٹرکٹ ڈویلپمنٹ کمشنر اندو کنول چب نے گاندھی جینتی کے موقع پر ڈی سی کنونشن ہال میں منعقدہ یوتھ کنونشن کے دوران مختلف محکموں کی طرف سے چلائی جانے والی مختلف اسکیمز کے ذریعے اسٹیج پر نوجوانوں کی سہولت کے لیے ای رجسٹریشن فارم جاری کیا۔
ہم آپ کو بتا دیں کہ مرکزی حکومت کی جانب سے بے روزگار نوجوانوں کے لیے کئی اسکیمیں چلائی جا رہی ہیں تاکہ وہ اپنے پیروں پر کھڑے ہو سکیں۔ ہر کسی کو نوکریاں دینا ناممکن ہے، لیکن حکومت کی طرف سے ایسی کئی اسکیمز چلائی جا رہی ہیں، جس سے انہیں فائدہ ہو سکتا ہے۔
اسی کے تعلق سے جموں و کشمیر ایل جی انتظامیہ نے ایک نیا اقدام بھی شروع کیا ہے، جس کا نام ممکن رکھا گیا ہے۔
اس کانفرنس کا مقصد تعلیم یافتہ نوجوانوں کے لیے روزگار کو فروغ دینا ہے۔ اس موقع پر حکومت کی طرف سے مرکزی اسپانسر کردہ اسکیمز کے بارے میں جانکاری دی گئی۔ اس کے تحت بے روزگار نوجوانوں کو جموں و کشمیر میں روزگار حاصل کرنے کا سنہرا موقع دیا جائے گا۔
مزید پڑھیں:
ادھم پور: دھنو کے باشندوں کا انتظامیہ کے خلاف مظاہرہ
آج اسی کے تعلق سے ڈسٹرکٹ کمشنر ادھم پور نے بے روزگار نوجوانوں کے لیے ایک کانفرنس کا اہتمام کیا اور بے روزگار نوجوانوں کو یہاں کی کئی اسکیمز کے بارے میں آگاہ کیا۔
