لاٹی پولیس کے مطابق ادھم پور کے چِنینی میں غیر قانونی لکڑی کا کاروبار چوری چھپے زوروں پر چل رہا تھا۔ جس کے خلاف پولیس نے کارروائی کرتے ہوئے دھاوا کرتے ہوئے غیر قانونی لکڑی کے ساتھ تین افراد کو گرفتار کرلیا گیا۔ بتایا جارہا ہے کہ پکڑے گئے تین ملزمین کی شناخت محمد صادق، منصور احمد اور من شوز حسین کے نام سے ہوئی ہے۔ ان تینوں افراد پر پولیس نے کیس درج کرکے کارروائی کا آغاز کردیا ہے۔
اطلاعات کے مطابق لاٹی کے جنگل میں لکڑی کی اسمگلنگ کی اطلاع پر ایس ڈی پی او احمد شفیع زرگر کی ہدایت پر لاٹی کے تھانہ انچارج اجے انگوترا کی ٹیم نے چھاپہ مارا۔ موقع سے پولیس ٹیم نے 40 شہتیر سمیت دیگر سامان برآمد کیا اور تین افراد کو گرفتار کرلیا۔ اس کے بعد مقدمہ درج کرکے تفتیش شروع کردی ہے۔
