جموں و کشمیر کے ضلع ادھم پور کے لوگوں کو اب تولِپ کے خوبصورت پھول دیکھنے کے لیے وادی جانے کی ضرورت نہیں ہے، کیونکہ محکمۂ باغبانی نے جموں ڈویژن کے ادھم پور ضلع کے کُد علاقے میں تولِپ کا باغ تیار کیا ہے۔ یہاں اگلے ایک ماہ تک تولِپ کے خوبصورت پھول دیکھے جا سکتے ہیں۔ کُد کے ہائی لینڈ پارک میں محکمۂ باغبانی نے ڈیڑھ کنال اراضی پر سفید، جامنی، پیلے اور سرخ رنگوں کے 10 ہزار گانٹھیں لگائے ہیں۔ پچھلے دو دنوں سے پارک میں سفید پھول کھلنے لگے ہیں۔ یاد رہے کہ تولِپ کے بلب کی فراہمی ایک قومی سطح کی کمپنی کرتی ہے، جو ہالینڈ سے ان پھولوں کی درآمد کرتی ہے۔ Tulip Garden built in Kud area of Udhampur
اس سے قبل جموں ڈویژن کے مشہور سیاحتی مقام ساناسر میں ماڈل پروجیکٹ کے طور پر سال 2017 میں تولِپ باغ بنانے کے لیے تولِپ لگانے شروع کیے گئے تھے۔ تولِپ کے بلب کی فراہمی ایک قومی سطح کی کمپنی کرتی ہے، جو ہالینڈ سے ان پھولوں کی درآمد کرتی ہے۔ اسسٹنٹ ہارٹیکلچر آفیسر ارجن کمار نے بتایا کہ 'محکمہ کے پاس مختلف پانچ اقسام کے تقریباً 12 ہزار بلب پڑے تھے۔ اس بار دسمبر کے اوائل میں کُد کے ہائی لینڈ پارک میں ٹرائلز کرتے ہوئے، محکمے نے دستیاب تولپ کے بلب میں سے 10000 بلب لگائے ہیں۔ وہیں مقامی نوجوانوں کا کہنا ہے کہ 'اس تولپ گارڈن کی وجہ سے یہاں سیاحوں کی بہت زیادہ آمد ہو رہی ہے۔ اگر حکومت مزید باغات بنائے تو اس سے سیاحت کو فروغ ملے گا اور یہاں کے مقامی لوگوں کے روزگار میں بھی اضافہ ہوگا۔ نوجوانوں نے سیاحوں سے اپیل کی کہ وہ زیادہ سے زیادہ کُد کے اس تولِپ باغ آئیں اور یہاں سے لطف اندوز ہوں۔ Local youth on Udhampur Tulip Garden
