ایک طرف کرونا وائرس کی وجہ سے پوری دنیا میں لوگ پریشان ہیں تو دوسری طرف بھارت کا پڑوسی ملک پاکستان اپنی حرکتوں سے باز نہیں آ رہا ہے۔
اودھم پور کی خواتین این سی سی کیڈٹس نے آج تشار مہاجن میموریل پر جاکر گزشتہ دنوں گھاٹی میں شہید ہوئے فوج کے جوانوں کو خراج عقیدت اور ان کی شہادت کو سلام پیش کیا۔
لاک ڈاؤن کے باعث ان خواتین کیڈٹس نے ملک کے بہادروں کے اعزاز کے لئے ویڈیو بنائے جو ان دنوں سوشل میڈیا پر کافی وائرل ہے۔
اس موقع پر این سی سی کیڈٹس نے کہا کہ وہ ملک کے لئے شہید ہونے کو تیار ہیں۔ انہوں نے کہا کہ اب وقت آگیا ہے کہ پاکستان کو اس کی زبان میں مناسب جواب دیا جائے۔
این سی سی کیڈٹش کا کہنا تھا کہ اگر ملک کے وزیر اعظم نریندر مودی انہیں اجازت دیں تو وہ بھی بھارت کے دشمنوں کے ساتھ دو ہاتھ کرسکتے ہیں اور دہشت گردوں کا مقابلہ کرنے کے لئے پہلی صف میں کھڑے ہوں گے۔
