ادھم پور: جموں و کشمیر کے ضلع ادھم پور کے تحصیل رام نگر میں واقع گاؤں کگھوٹ میں ایک بیٹے نے اپنے باپ کا قتل کر دیا۔ قتل بھی ایسے بے رحم طریقے سے کیا کہ جسے سوچ کر ایک عام آدمی کی روح بھی کانپ جائے گی۔ بتایا جا رہا ہے کہ وہ نشہ کا عادی تھا۔ اس کے والد اسے اکثر منشیات لینے سے منع کرتے تھے۔ اسی بات پر اس نے اپنے والد کو ہتھوڑے سے پیٹ کر موت کے گھاٹ اتار دیا۔ son kills father by beating him with hammer in Udhampur
منگل کی صبح تقریباً چار بجے کگھوٹ گاؤں کے رہنے والے یوگندر کمار (28) نے اپنے والد گوپا رام کو ہتھوڑے سے پیٹ کر ہلاک کر دیا۔ جب تک وہاں موجود خاندان کے دیگر افراد سمجھ سکتے تب تک یوگیندر نے اپنے والد کو موت کے گھاٹ اتار دیا تھا۔ اس نے اپنی ماں کو بھی جان سے مارنے کی دھمکی دی۔ صبح تقریباً 5:30 بجے رام نگر پولیس اسے گرفتار کر تھانے لے گئی۔ گھر والے اور پڑوسی اس امید کے ساتھ گوپا رام کو ادھم پور کے ضلع ہسپتال لے گئے کہ شاید ان کی سانسیں چل رہی ہو اور وہ بچ جائیں لیکن ہسپتال پہنچنے پر ڈاکٹروں نے انہیں مردہ قرار دے دیا۔ Father killed by son in Udhampur
اس معاملے میں جب تھانہ انچارج رام نگر پشپندر سنگھ سے بات کی گئی تو انہوں نے کہا کہ 'ملزم کو دفعہ 302 آئی پی سی کے تحت قتل کا مقدمہ درج کر کے گرفتار کر لیا گیا ہے۔
