جموں و کشمیر پولیس میں کام کرنے والے مول راج عرف دیپو نے اپنے کوارٹر (پولیس لائن ادھم پور) میں پراسرار حالات میں خود کو گولی مار کر ہلاک کر لیا۔ دیپو ڈی ایس پی ڈی اے آر کے سیکورٹی اہلکار تھے۔ بتا دیں کہ مول راج ضلع ادھم پور کے ڈوڈو کرچی کے رہائشی تھے۔
ذرائع کے مطابق بتایا جا رہا ہے کہ مول راج کے جسم پر AK-47 سے تین گولی لگی تھی۔ فی الحال ان کی موت کی وجہ کا پتہ نہیں چل سکا ہے۔ وہیں جب ایس ایس پی ادھم پور سے بات کرنے کی کوشش کی گئی تو انہوں نے اس پر کوئی تبصرہ کرنے سے انکار کر دیا۔
یہ بھی پڑھیں: گورنری کے میرے دور میں عسکریت پسند سری نگر میں داخل نہیں ہوسکے تھے: ستیہ پال ملِک
واضح رہے کہ پولیس نے لاش کو اپنے قبضے میں لے کر پوسٹ مارٹم کے لیے ڈسٹرکٹ ہسپتال ادھم پور بھیج دیا ہے اور ان کے رشتہ دار بھی وہاں پہنچ گئے ہیں۔
مول راج نے ایسا قدم کیوں اٹھایا؟ پولیس اس کی تحقیقات کر رہی ہے
