ادھم پور، جموں: ڈی سی اودھم پور کے وائرلیس آپریٹر وجے چند انتھل ولد کیسر چند کی پیر کی رات شہر کے سنگور علاقہ میں جموں سری نگر قومی شاہراہ پر نامعلوم گاڑی کی ٹکر میں موت ہو گئی۔ وجے ادھم پور شہر کے دلہ علاقہ میں رہتا تھا۔ پولیس نے لاش کو پوسٹ مارٹم کے لیے جی ایم سی ادھم پور کے مردہ خانہ میں رکھوا دیا ہے۔ معلومات کے مطابق رات تقریباً 9 بجے وجے کمار سنگور سے تقریباً 200 میٹر پیچھے ہائی وے پر پیدل جا رہا تھا۔ اسی دوران ایک تیز رفتار نامعلوم گاڑی نے انہیں ٹکر مار دی۔ حادثہ کے بعد ڈرائیور موقع سے فرار ہوگیا۔ کچھ لوگوں نے وجے کو دیکھا کہ خون زیادہ بہہ رہا ہے تو اسے علاج کے لیے جی ایم سی ادھم پور لے جانے کے لیے گاڑی کا انتظام کیا، جہاں ڈاکٹروں نے اسے مردہ قرار دے دیا۔
یہ بھی پڑھیں:
اطلاع ملتے ہی پولیس کی ٹیم جی ایم سی پہنچ گئی اور لاش کو قبضہ میں لے کر مردہ خانے میں رکھوا کر تفتیش شروع کر دی۔ وجے کمار تقریباً ایک سال سے وائرلیس آپریٹر کے طور پر تعینات تھے۔ انہوں نے اپنے پیچھے بیوی اور دو بیٹیاں چھوڑی ہیں۔ ساتھ ہی پولیس نے معاملہ کی جانچ شروع کر دی ہے۔ پولیس متاثرہ گاڑی کا سراغ لگانے کی کوشش کر رہی ہے۔ اس کے ساتھ ہی اس بات کا بھی پتہ لگایا جا رہا ہے کہ اتنی دیر رات وجے چند اکیلے ہائی وے کی طرف کیوں گئے؟ سنگور کی طرف ان کے جانے کے بارے میں کسی کو کچھ معلوم نہیں ہے۔
