ملک بھر میں کورونا کے نئے کیسز میں دن بہ دن اضافہ کا سلسلہ جاری ہے۔ حکومت نے کورونا کے بڑھتے ہوئے کیسز کو دیکھتے ہوئے سرکاری اداروں کی نقل و حرکت پر بھی پابندی عائد کر دی ہے۔
مرکز کے زیرِ انتظام جموں و کشمیر میں عالمی وبا کورونا وائرس کے مثبت معاملوں میں تیزی سے اضافے کے پيش نظر جموں و کشمیر ہائی کورٹ نے پیر کے روز خطے کی تمام عدالتوں میں سماعت آن لائن کرنے کا حکم نامہ جاری کیا ہے۔
حکم نامے میں کہا گیا ہے کہ جموں و کشمیر اور لداخ کی تمام عدالتوں میں سماعت آن لائن یعنی ورچوئل طریقے سے کے جائیں گی۔ اس دوران عدالت میں آنے کی اجازت نہیں ہوگی۔
جموں وکشمیر ہائی کورٹ کے حکم نامے کے مطابق 'پورے ملک اور خاص طور پر مرکز کے زیر انتظام جموں و کشمیر میں عالمی وبا کورونا وائرس کے مثبت معاملات میں اچانک اضافے کے پیش نظر یہ فیصلہ کیا گیا ہے۔
یہ بھی پڑھیں: مسجدالحرام میں نماز، عمرہ اور مسجد نبوی کی زیارت کے لئے اجازت نامے لازمی
واضح رہے کہ عدالت کے اندر صرف ججوں اور وکلا کو ہی جانے کی اجازت دی جارہی ہے اور کسی بھی عام آدمی کو داخلے کی اجازت نہیں ہے۔
