پورے بھارت میں کورونا وائرس کی دوسری لہر کا قہر تیزی سے جاری ہے۔ لوگ اس وائرس کا شکار کافی تیزی سے ہورہے ہیں۔ ساتھ ہی اس وبا سے ہلاک ہونے والوں کی تعداد میں بھی کافی تیزی سے اضافہ ہو رہا ہے۔
اس وبا کو دیکھتے ہوئے جموں و کشمیر کے ضلع ادھمپور میں ہر ایک شخص کو کورونا کی ویکسین لگائی جارہی ہے، تاکہ لوگ اس وبا سے بچ سکیں۔ اسی ضمن میں ادھمپور کے وارڈ نمبر 1 میں کورونا ویکسین کیمپ لگایا گیا۔
اس کیمپ میں، وارڈ نمبر 1 کے لوگوں کو کورونا سے بچاؤ کے ٹیکہ لگائے گئے۔ اس تعلق سے وارڈ نمبر 1 کی کونسلر پریتی نے لوگوں سے درخواست کیا کہ وہ کرونا ویکسین ضرور لگوائیں تاکہ اس وبا سے بچ سکیں، لوگوں کو گھبرانے کی ضرورت نہیں ہے بلکہ احتیاط ضروری ہے۔
اس تعلق سے ایک مقامی شخص نے بتایا کہ 'یہ ویکسین مکمل طور پر محفوظ ہے، لوگوں کو چاہیے کہ وہ ویکسین ضرور لگوائیں۔ یہ ویکسین حکومت نے ہمارے جان کی حفاظت کے لیے ہی بنوائی ہے۔ لہذا ہمیں ویکسین ضرور لینا چا ہیے۔'
