گزشتہ دنوں سے ادھم پور میونسپل کونسل کی جانب سے مسلسل ناجائز قبضہ کے خلاف مہم چلائی جارہی ہے، اسی ضمن میں آج سی ای او سنتوش کوتوال کی نگرانی میں شہر کے متصل اومڑا موڑ پر بھی ناجائز قبضہ کے خلاف مہم چلائی گئی۔
اس دوران میونسپل کونسل کی جانب سے ٹیم نے جے سی بی کے ذریعہ سے ناجائز قبضے کو ہٹاتے وقت میونسپل کونسل کی ٹیم کے ساتھ مقامی لوگوں کے ساتھ بدکلامی بھی ہوئی، نیز کچھ لوگوں نے میونسپل کونسل کی حمایت بھی کیے۔
سنتوش کوتوال نے کہا کہ شہر میں مختلف مقامات پر دکانداروں اور مقامی لوگوں کی طرف سے تجاوزات کئے گئے ہیں جس کی وجہ سے ٹریفک اور دیگر سہولیات میں کافی پریشانی کا سامنا کرنا پڑتا ہے۔
اس کے علاوہ متعدد لوگوں کی طرف سے بھی ایسی شکایات موصول کی جارہی تھی، جس کی وجہ سے آج میونسپل کونسل کی طرف انسداد تجاوزات مہم چلا کر تجاوزات کو ختم کردیا گیا، انہوں نے عوام اور دکانداروں سے تجاوزات نہ کرنے کی اپیل بھی کی ہے۔
