کورونا وائرس سے نمٹنے کے لیے انتظامیہ اور محکمہ صحت کی جانب سے کی گئی تیاریوں کا جائزہ لینے کے لیے لیفٹیننٹ گورنر کے مشیر فاروق خان نے ادھم پور کا دورہ کیا۔
انہوں نے ڈی سی اندو کنول چب کے ساتھ ضلع ہسپتال میں تیاریوں کا جائزہ لیا اور ڈی سی دفتر میں منی کانفرنس کر ضروری ہدایات دیں۔
کانفرنس میں ڈی سی، سی ایم او ڈاکٹر کے سی ڈوگرہ، ڈی ایچ او ڈاکٹر محمد یاسین سمیت کئی افسران موجود تھے۔
گورنر کے مشیر نے سب سے پہلے ضلع ہسپتال میں چل رہے آکسیجن جینیریشن پلانٹ کے تعمیری کام کا جائزہ لیا۔ انہوں متعلقہ ایجنسیوں کو اس کا کام کو جلد پورا کرنے کی ہدایت دی۔
یہ بھی پڑھیں: ادھمپور کے وارڈ نمبر ایک میں کورونا ٹیکہ کاری مہم
انہوں نے ضلع ہسپتال میں رکھے گئے کورونا متاثرین کو دی جا رہی سہولتوں کے بارے میں جانکاری حاصل کی۔ انہوں نے کورونا وائرس پر روک لگانے کے لیے ٹیسٹنگ کے ساتھ ویکیسن لگانے کے کام میں تیز لانے کی بات کہی۔
