حکومت کے مطابق ملک کے عوام ڈیجیٹل انڈیا میں زندگی گزار رہے ہیں لیکن زمینی حقیقت یہ ہے کہ' آج بھی انسانی زندگی کی بنیادی ضروریات روٹی، کپڑا اور مکان، لوگوں کو میسر نہیں ہے۔
ویسے تو غریبوں اور ضرورت مند افراد کی مدد کرنے کا ذمہ میرٹھ کی متعدد سماجی تنظیموں نے اٹھایا ہے، ضلع کی ایک ایسی ہی یوگی فاؤنڈیشن نامی تنظیم ہے جو روزانہ دوپہر میں میرٹھ کے میڈیکل کالج کے احاطے میں تقریباً 250 سے زائد ضرورت مند افراد کو کھانا کھلاتی ہے۔
تنظیم کے صدر راج کمل کا کہنا ہے کہ گذشتہ ماہ 30 جون سے اس کی شروعات کی گئی ہے، کھانے میں صرف 5 روپے میں دال اور چاول دیا جاتا ہے کیونکہ یہ تجارت کی غرض سے نہیں بلکہ ضرورت مندوں کی خدمت کرنے کے لیے ہے۔
انہوں نے مزید کہا کہ کھانے میں یومیہ تقریباً 24 سو روپے کا خرچ آتا ہے جبکہ 5 روپے کے حساب سے تنظیم کو صرف 9 سو روپے ہی ملتے ہیں۔
اس تعلق سے غریب اور ضرورت مند افراد کا کہنا ہے کہ یہ ایک اچھی پہل ہے اس طرح کی مدد سے معاشرہ خوشگوار بن جائے گا۔
راج کمل کے مطابق بھارت میں ہزاروں کی تعداد میں افراد ہیں جنہیں ایک وقت کا کھانا میسر نہیں ایسے حالات میں سماجی تنظیموں کو اس کی ذمہ داری لینا چاہیے۔
