گاندربل میں این آر ایل ایم کی جانب سے میلے کا انعقاد

ضلع گاندربل کے کنگن علاقے میں آج این آر ایل ایم کی جانب سے نو بہار میلے کا انعقاد کیا گیا جس میں مختلف علاقے کے لوگوں کے ساتھ ساتھ سیلف ہیلف گروپوں نے شرکت کی۔ اس پروگرام میں ضلع ترقیاتی کونسل نے بھی شرکت کی۔

نو بہار میلے میں مہمان خصوصی ضلع ترقیاتی کونسل نزحت اشفاق نے اپنے خطاب میں کہا کہ سیلف ہیلف گروپس نے ہمارے معاشرے میں خواتین کو آگے بڑھنے میں ایک رول ادا کیا بلکہ بہت ساری خواتین نے نہ صرف اپنا روزگار کمایا بلکہ دوسروں کو بھی روزگار دیا۔

انہوں نے پروگرام میں آئے سبھی سیلف ہیلف گروپوں سے مخاطب ہو کر کہا کہ کبھی بھی ان کو کسی مدد کی ضرورت ہو تو ان سے رابطہ کریں۔

ڈسٹرکٹ پروگرام منیجر گاندربل جناب شیرین شفیع نے پروگرام کو مزید بہتر بنانے کے سلسلہ میں تفصیلی روشنی ڈالی تاکہ زیادہ سے زیادہ خواتین اس پروگرام کا حصہ بنیں اور اپنا روزگار حاصل کر سکیں۔

انہوں نے کہا کہ اس وقت 13،653 ارکان پر مشتمل 1،517 سیلف ہیلف گروپ این آر ایل ایم کے گاندربل کے ساتھ منسلک ہیں اور اپنا روزگار حاصل کرتے ہیں۔ انہوں نے پروگرام میں آئے سبھی ارکان کا شکریہ ادا کیا۔