کورونا کی لہر کے دوران بستروں کی کمی سے مریضوں کو ہونے والی دشواریوں کے پیش نظر سابق کرکٹر نے یہ عطیہ دیا ہے۔
کووڈ کی پہلی اور دوسری لہر کے دوران نظام آباد کے اس سرکاری اسپتال میں بڑے پیمانہ پر غریب مریضوں کا علاج کیا گیا تھا۔ساتھ ہی پڑوسی ریاست مہاراشٹرسے بھی بڑے پیمانہ پر آنے والے کورونا کے مریضوں کا علاج بھی اس اسپتال میں کیاگیا۔
نظام آباد، مہاراشٹر کی سرحد کے قریب ہے۔اس اسپتال میں 74آئی سی یو بستر،72ونٹی لیٹرس ہیں۔اس فاونڈیشن کی جانب سے 120آئی سی یوبسترفراہم کئے جانے پر بستروں کی تعداد بڑھ کر 194تک جاپہنچی۔ان میں 18ونٹی لیٹرس والے بستر ہیں۔فاونڈیشن کی جانب سے فراہم کردہ 120بستروں میں سے 40بستربچوں کیلئے ہیں۔
اسپتال کی سپرنٹنڈنٹ پراتیماراج نے کہا کہ نظام آباد کے اس اسپتال کا انتخاب کرتے ہوئے فاونڈیشن نے یہ عطیہ دیا ہے۔انہوں نے کہاکہ رکن کونسل کویتا کے تال میل پر اس فاونڈیشن کی جانب سے یہ عطیہ دیاگیا۔
مزید پڑھیں :یواراج کی والدہ اور اہلیہ کے جذبات چھلکے
انہوں نے کہاکہ بھارت میں اس فاونڈیشن کی جانب سے کیاجانے والے یہ بڑاپروجیکٹ ہے۔نظام آباد کے لئے یہ عطیہ فخر کی بات ہے۔
یواین آئی
