حیدرآباد میں ایک نوجوان سہیل قادری کو نامعلوم افراد نے حملہ کرکے قتل کردیا جس کے بعد مقتول کے رشتہ داروں اور مجلس کے رہنما و سابق میئر ماجد حسین نے ملزمین کی گرفتاری کا مطالبہ کرتے ہوئے احتجاج کیا۔ Youth Murdered in Hyderabad
ہمایوں نگر پولیس نے بتایا کہ فرسٹ لانسر کے احمد نگر میں 26 سالہ سہیل قادری رات دیر گئے پیدل جارہے تھے کہ گارڈن ٹاور کے قریب محمد افضل اور افسر کے علاوہ ان کے ساتھیوں نے مبینہ طور پر حملہ کردیا۔ حملہ میں زخمی سہیل کو فوری طور پر ہسپتال منتقل کیا گیا جہاں وہ زخموں سے جانبر نہ ہوسکا۔
یہ بھی پڑھیں:
اطلاعات کے مطابق قتل ازیں سہیل قادری سے حملہ آوروں کا جھگڑا ہوا تھا۔ سہیل کی موت کے بعد برہم رشتہ داروں نے احتجاج کرتے ہوئے ملزمین کی فوری گرفتاری کا مطالبہ کیا۔ اعلیٰ عہدیداروں نے ماجد حسین کو تیقن دیا کہ ملزمین کو فوری گرفتار کیا جائے گا اور جلد از جلد عدالت میں چارج شیٹ داخل کی جائے گی۔
