کرناٹک کے ضلع یادگیر میں کورونا متاثرین کی تعداد میں روز بروز اضافہ ہوتا جا رہا ہے۔ ہر روز کورونا وائرس سے متاثر ہونے والے لوگوں کی تعداد میں اضافہ ہوتا جا رہا ہے۔جس کو دیکھتے ہوئے ضلع انتظامیہ بھی متحرک ہو گیا ہے۔
ڈپٹی کمشنر آفس کے کانفرنس ہال میں منعقد ہنگامی اجلاس میں شرکت کرتے ہوئے ایڈیشنل کمشنر آف پولیس پرکاش جی راجپوت نے کہا کہ کورونا کی دوسری لہر میں روز بروز اضافہ ہو رہا ہے۔اس کی روک تھام کے لئے محکمہ صحت کے ساتھ عملی تعاون کی ضرورت ہے۔
انہوں نے کہا کہ ضلع یادگیر کا محکمہ صحت پوری شدت کے ساتھ کام کر رہا ہے۔انہوں نے کہا کہ لوگوں کی نشاندہی کے لیے پرائمری اور سیکنڈری رابطے کی نشاندہی کے لئے اساتذہ کو ضلع حکام اور متعلقہ تعلقہ فیلڈ انسپکٹر سے رابطے کا پتہ لگانے کے لئے نوڈل آفیسر مقرر کیا گیا ہے۔
انہوں نے کہا کہ جن لوگوں کا اور خاص کر جو لوگ دوسری ریاستوں سے سفر کرکے بذریہ بس اور ٹرین یادگیر آرہے ہیں اور جن کا کوویڈ ٹیسٹ کیا جا رہا ہے ان سے فون پر رابطہ کریں اور ان کی صحت سے متعلق موجودہ صورتحال کا جائزہ لیں۔
اگر کسی کو کورونا کی علامت ظاہر ہو رہی ہے تو ایسے لوگوں کو ڈاکٹر سے رجوع کرنے کو کہیں۔
ڈسٹرکٹ ہیلتھ اینڈ فیملی ویلفیئر آفیسر اندومتی نے کہا کہ محکمہ صحت کی جانب سے مسافروں کا کوویڈ ٹیسٹ کیا گیا ہے ان سے ربط کرکے معلومات حاصل کریں کہ کوئی شخص کورونا سے متاثرہ شخص سے بنیادی رابطہ میں ہے ثانوی رابطہ میں ہے اور پھر اس سے سفر کی تفصیلات بھی حاصل کرنا چاہیے۔
اس موقع پر اسسٹنٹ کمشنر شنکر گوڑا، تحصیلدار سوریش، ڈسٹرکٹ فیملی ویلفیئر آفیسر ناگ راج پاٹل سمیت ضلع سطح کے عہدیداران اور اساتذہ موجود تھے۔
