انہوں نے پرگتی بھون کو امبیڈکر بھون میں تبدیل کرنے پہلی دستخط کرنے کا عزم ظاہر کیا۔ ریونت ریڈی بے روزگار نوجوانوں کی تائید میں یوتھ کانگریس کی ایک روزہ بھوک ہڑتال کے اختتام پر خطاب کررہے تھے۔ Telangana Congress President on Jobs
انہوں نے بھوک ہڑتال میں حصہ لینے والے صدر یوتھ کانگریس شیوا سینا ریڈی اور ان کے ساتھیوں کو شربت پیش کیا۔ اس موقع پر اے آئی سی سی سکریٹری بوس راجو، پولٹیکل افیرس کمیٹی کنوینر محمد علی شبیر، ڈاکٹر جی چناریڈی، جنرل سکریٹری یوتھ کانگریس انیل یادو اور دیگر موجود تھے۔ Telangana youth Congress Hunger Strike
ریونت ریڈی نے کہا کہ آئندہ 12 ماہ کے بعد تلنگانہ میں کانگریس کا اقتدار رہے گا۔ انہوں نے کہا کہ پہلے سال دو لاکھ جائیدادوں پر تقررات کیلئے ضرورت پڑنے پر سونیا گاندھی کے پیر پکڑ کر درخواست کریں گے۔
انہوں نے کہا کہ قلعہ گولکنڈہ پر کانگریس پرچم لہرایا جائے گا۔ انہوں نے کہا کہ عالیشان پرگتی بھون جو کے سی آر کی رہائش گاہ ہے امبیڈکر بھون میں تبدیل کرنے پہلی فائیل پر دستخط کی جائے گی۔
انہوں نے دوبارہ برسراقتدار آنے سے متعلق کے سی آر کے دعوؤں کو مضحکہ خیز قرار دیتے ہوئے چیلنج کیا کہ اگر کے سی آر میں ہمت ہو تو وسط مدتی انتخابات کا سامنا کریں۔ انہوں نے کہا کہ کانگریس جدوجہد کیلئے تیار ہے لیکن کے سی آر میں مقابلہ کی ہمت نہیں لہذا انہوں نے پرشانت کشور کی مدد حاصل کی۔
ریونت ریڈی نے کہا کہ آنجہانی اندرا گاندھی نے بے روزگار نوجوانوں کے حقوق کا تحفظ کیا تھا۔ انہوں نے کہا کہ کے سی آر نے نوجوانوں کے مستقبل کو تاریک کردیا ہے۔ ریونت ریڈی نے کہاکہ انہیں کانگریس صدر سے زیادہ یوتھ کانگریس کی صدارت میں دلچسپی ہے۔ اگر میں یوتھ کانگریس کا صدر ہوتا تو کے سی آر کا زوال ہوچکا ہوتا۔ کے سی آر نے اسمبلی میں تقررات کا وعدہ کیا تھا لیکن 8 برس گذرنے کے باوجود وعدہ پورا نہیں ہوا۔
