ہفت روزہ گواہ کے ایڈیٹر سید فاضل حسین پرویز نے کانگریس کی سیاسی کمزوری کو بی جے پی کی طاقت قرار دیتے ہوئے کہا کہ کانگریس اپنی سیاسی بصیرت کھوچکی ہے۔
سید فاضل کا کہنا ہے کہ' سخت گیر ہندو نظریہ بی جے پی کی کامیابی کا ضامن ہوسکتا ہے اور یہی کانگریس کے لیے سب سے بڑا چیلنج بھی' ہے۔ جس کے باعث اس کے اقتدار میں آنے کے امکانات کم ہی نظر آتے ہیں اور گٹھ جوڑ کی سرکار کانگریس کے لیے خطرے سے کم نہیں ہوگی۔
ریاست تلنگانہ میں تیلنگانہ راشٹریہ سمیتی کی تیرہ چودہ سیٹوںں پر بات کرتے ہوئے سینئر صحافی عبدالرحمن خان بیوروچیف روزنامہ منصف نے کہا کہ' کے سی آر کی فیڈرل فرنٹ کا خواب ممکن ہے کہ خواب ہی رہ جائے کیونکہ ایگزٹ پول کے مطابق کانگریس کو دوسری بڑی اکثریت کے طور پر دیکھا جارہا ہے جس کے بعد تمام علاقائی جماعتوں کا جھکاؤ کانگریس کی جانب ہے'۔
حیدرآباد پارلیمانی حلقے میں رائے دہی کی شرح میں حیرت انگیز کمی کو انہوں نے مجلس اتحاد المسلمین کے لیے لمحہ فکر قرار دیتے ہوئے کہا کہ یہ ایک طرف سے اسدالدین اویسی کے لیے شکست کی مانند ہے اور اسد اویسی اس مرتبہ گزشتہ کی طرح بھاری اکثریت حاصل کرنے میں ناکام رہیں گے۔
