سری سیلم پروجیکٹ کی وجہ سے ٹریفک جام

موسلا دھار بارش کے بعد سری سیلم پروجیکٹ دیکھنے آنے والوں کی تعداد میں اضافہ ہوا جس کی وجہ سے سات کلومیٹر تک ٹریفک جام ہو گیا۔

تلنگانہ اور آندھراپردیش ریاستوں کے لیے اہمیت کا حامل سری سیلم پروجیکٹ کے بالائی علاقوں میں بارش کے سبب پانی کے زائد بہاؤ کے پیش نظر اس کے دس دروازے کھولتے ہوئے پانی کو چھوڑا گیا۔
پانی کے بہاؤ کو دیکھنے کے لیے عوام کی بڑی تعداد مذکورہ پروجیکٹ کے پاس پہنچی۔ پروجیکٹ کو دیکھنے کے لیے سیاحوں کی بڑی تعداد پہنچنے کے سبب راستوں میں بڑے پیمانے پر ٹریفک جام ہوگیا۔
حیدرآباد سے سری سیلم آنے والے راستہ کی اہم شاہراہوں پرتقریبا سات کلومیٹر تک ٹریفک جام کی صورتحال رہی۔ٹریفک پولیس کی محدود تعداد کے سبب ٹریفک کی نقل و حرکت کو بہتر بنانے میں دشواری کا سامنا کرنا پڑا۔ ٹریفک میں بڑے پیمانہ پر سواریاں پھنس گئیں۔