حیدرآباد میں پیش آنے والے واقعات کے دوران ٹی آر ایس رہنما سمیت تین افراد کی موت ہوگئی ہے۔
چیکڈ پلی کے رہائشی بنگارو کرشنا اپنے گھر کی چھت پر پتنگ اڑا رہے تھے اور اتفاقی طور پر وہ تیسری منزل سے نیچے گر گئے۔ پتنگ اڑانےکے دوران وہ اپنے گھر کے قریب لوہے کی ریلنگ پر گر گئے اور برسر موقع ہلاک ہوگئے۔
اسی طرح کے واقعات مادھا پور، صدیق نگر میں بھی سامنے آئے ہیں جس میں 10 سالہ طالب علم نکھیت اپنے گھرکی تیسری منزل سے گر گیا اور موقع پر ہی دم توڑ گیا۔
وہیں سکندرآباد کے وارثی گوڈا میں، سید خالد جو گزشتہ روز پتنگ بازی کے دوران شدید زخمی ہوگیا، وہ زخموں کی تاب نہ لاتے ہوئے چل بسا۔
