حیدرآباد: حیدرآباد میں عیدگاہوں اور مساجد میں نماز عیدالاضحیٰ کی تیاریاں زور و شور سے جاری ہیں۔ حیدرآباد کی قدیم عیدگاہ گنبدان قطب شاہی گولکنڈہ اور عیدگاہ میرعالم میں نماز عیدالاضحیٰ ادا کی جائے گی جس کے لیے بڑے پیمانہ پر انتظامات کیے گئے ہیں۔ وقف بورڈ صدر نشین محمد مسیح اللہ خان اور رکن اسمبلی و رکن وقف بورڈ کوثر محی الدین نے شہر حیدرآباد کی دو بڑے عیدگاہوں عیدگاہ گنبدان قطب شاہی گولکنڈہ، اور عیدگاہ میرعالم کا دورہ کرتے ہوئے ضروری ہدایات دی اس دورہ میں وقف بورڈ عملہ، بلدی عملہ، پولیس وہ دیگر محکموں کے افسران بھی موجود تھا۔ The President of the Waqf Board inspected the Eidgahs of Hyderabad
اس موقع پر وقف بورڈ صدر نشین محمد مسیح اللہ خان نے کہا کہ بارش کے پیش نظر عیدگاہوں میں موثر انتظامات کیے جائیں گے۔ عیدگاہ گنبدان قطب شاہی میں فرش اور دیگر کام جو جاری ہیں۔ بہت جلد وہ کام بھی مکمل کیا جائے گیا۔ عیدگاہ میر عالم کے تمام کام مکمل ہوچکے ہیں۔ عیدگاہ گنبدان قطب شاہی گولکنڈہ میں عیدالاضحیٰ کی نماز 8:45 بجے قاری سید متین علی شاہ قادری امامت وخطابت کے فرائض انجام دیں گے۔ عیدگاہ میر عالم میں عیدالاضحیٰ کی نماز 9 بجے مولانا رضوان قریشی امامت وخطابت کے فرائض انجام دیں گے۔ اس موقع پر مجلس کے کارپوریٹرس، عیدگاہ گنبدان قطب شاہی کے صدر غلام محی الدین پاشاہ اور بلدی، برقی، آب رسانی اور دیگر افسران بھی موجود تھے۔
یہ بھی پڑھیں:
