ریونت ریڈی کی اس اپیل کے بعد پولیس کی بھاری تعداد کو ان کے گھر کے قریب تعینات کر دیا گیا اور انھیں گھر پر ہی نظربند کر دیا گیا۔
کانگریس کے رہنماوں نے الزام لگایا کہ اراضیات کے ہراج میں بڑے پیمانے پر بے قاعدگیاں ہوئی ہیں۔ کانگریس کے رہنماوں نے ان اراضیات کا معائنہ کرنے کا منصوبہ بنایا تھا جن کا ہراج حکومت نے کیا ہے۔
پولیس نے کانگریس کے دیگر رہنماوں کو بھی گھروں پر نظربند کردیا ہے۔
واضح رہے کہ فنڈس جمع کرنے کےلیے ہی حکومت نے کوکاپیٹ کی اراضیات کا ہراج کیا تھا، تاہم ریونت ریڈی نے الزام لگایا کہ حکومت نے ٹنڈر کے عمل میں رشوت خوری کی ہے۔
یہ بھی پڑھیں:'ہر استفادہ کنندے کو ڈبل بیڈروم مکان فراہم کیاجائے گا'
ان کا کہنا ہے کہ وزیراعلی کے چندرشیکھرراؤ کے قریبی افراد کو ہی یہ اراضیات ہراج کے ذریعہ فروخت کی گئی ہیں۔
اسی دوران ریونت ریڈی نے لوک سبھا اسپیکر سے شکایت کرتے ہوئے کہا کہ ان کو پارلیمینٹ سیشن میں شرکت سے روکنے کے لیےگھر پر نظربند کر دیا گیا ہے۔
یواین آئی
