تلنگانہ کے وزیر انفارمیشن ٹکنالوجی کے ٹی آر نے واضح کیا کہ نئی برقی گاڑی کی پالیسی ریاست کو الیکٹرک گاڑیوں کے مرکز میں تبدیل کرے گی۔
وزیر موصوف نے حیدرآبادمیںریاستی حکومت کی تشکیل کردہ نئی پالیسی کی نقاب کشائی کی۔ کے ٹی آر نے کہا کہ حکومت کی پالیسی نہ صرف سرمایہ کاری کی حوصلہ افزائی کرنا ہے بلکہ برقی گاڑیوں کے استعمال میں اضافہ کرنا بھی ہے۔
کے ٹی آر نے کہا کہ آئندہ نسلوں کو بہتر ماحول فراہم کرنے کی ضرورت ہے۔ حیدرآباد میں حال ہی میں موسم میں بدلاؤ کی وجہ سے تیز بارش ہوئی ہے۔ اس کے نتیجے میں حیدرآباد کے عوام کے ساتھ ساتھ ریاست بھر کے کسان بھی پریشانی کا شکار ہیں۔ انہوں نے اس بات پر زور دیا کہ ماحول کے تحفظ کی ضرورت ہم سب پر ہے۔ کے ٹی آر کا دعوی ہے کہ برقی گاڑیاں ماحول دوست گاڑیاں ہیں۔
کے ٹی آر نے کہا کہ زمینیں موجود ہیں۔ ہمارے پاس شمسی توانائی کی بڑی مقدار دستیاب ہے۔ چارجنگ اسٹیشن ، بیٹری تیار کرنے والی کمپنیوں کی سرمایہ کاری ہوگی۔اور مہیشورم علاقے میں ہزاروں ایکڑ رقبہ دستیاب ہے۔ کے ٹی آر نے کہا کہ ایک ہزار ایکڑ پر آٹوموبائل بنانے والے یونٹ کو فروغ دیا جائے گا۔
