تلنگانہ میں جنتا کرفیو کا نمایاں اثر، مہاراشٹرا سرحد بند

ریاست تلنگانہ میں کورونا وائرس سے متاثرین کی تعداد میں اضافہ ہوتا جارہا ہے۔

ملک بھر میں جنتا کرفیو کا اثر دیکھا جارہا ہے وہیں تلنگانہ میں بھی جنتا کرفیو کے دوران مکمل طور پر بند منایا گیا۔

وزیراعظم نریندر مودی کے اعلان کے بعد وزیراعلیٰ کے چندرشیکھر راؤ نے بھی جنتاکرفیو کی نہ صرف حمایت کی بلکہ اس کے وقت میں اضافہ کردیا۔

کے سی آر نے ریاست میں 24 گھنٹے تک جنتا کرفیو کرنے کا اعلان کیا تھا۔ تلنگانہ میں 22 مارچ کی صبح 6 بجے سے 23 مارچ کی صبح 6 بجے تک جنتا کرفیو جاری رہے گا۔

تلنگانہ حکومت کوویڈ-19 کی وبا سے بچاؤ کےلیے مختلف اقدامات کر رہی ہے جبکہ آج ریاست کی سرحدوں کو احتیاطی طور پر بند کردیا گیا۔

مہاراشٹرا۔تلنگانہ بارڈر کو مسدود کردیا گیا۔ مہاراشرا کی راہداریوں کو مسدود کرنے کے بعد سخت چوکسی برتی جارہی ہے۔

جنتا کرفیو کے دوران ریاست میں پوری طرح بند دیکھا گیا اور پولیس کے سخت انتظامات دیکھے گے۔