تلنگانہ کے سدی پیٹ میں سب انسپکٹر نے پلازمہ کا عطیہ دیا۔ککونور پلی کے سب انسپکٹر سدھاکر نے حیدرآبادمیں کووڈ 19کے مریض کے لئے پلازمہ کا عطیہ دیا۔
سدھاکر ایک ماہ پہلے کورونا سے مثبت پایا گیا تھا تاہم علاج کے بعد وہ روبہ صحت ہوگیا۔جب اس کے دوستوں سے اس سے درخواست کی گئی کہ بی پازیٹیو پلازمہ کا عطیہ دیاجائے تو اس نے اپنے اعلی عہدیداروں سے اس کی اجازت مانگی اور حیدرآباد کے ایک کارپوریٹ اسپتال میں زیرعلاج مریض کے لئے پلازمہ کا عطیہ دیا۔
ان کی اس مساعی کی پولیس کے اعلی عہدیداروں نے ستائش کی اور کووڈ19سے روبہ صحت ہونے والوں سے اپیل کی کہ وہ پلازمہ کا عطیہ دیتے ہوئے دوسروں کی جان بچائیں۔
