تلنگانہ کے ضلع نظام آبادمیں پیش آئے سڑک حادثہ میں ایک شخص موقع پر ہی ہلاک ہوگیا اور دیگر چار افراد شدید زخمی ہوگئے۔
تفصیلات کے مطابق ضلع کے مائی ریڈی منڈل کے پالیم دیہات سے تعلق رکھنے والا ماروتی ریڈی اپنے خاندان کے ساتھ پڑوسی ریاست آندھراپردیش کے مذہبی مقامات کے درشن کے لئے گیا تھا تاہم واپسی کے دوران خلیجی ملک سے واپس اپنے ساتھی کو حیدرآباد کے شمس آباد ایرپورٹ سے لیتے ہوئے یہ افراد کار میں گھر واپس ہورہے تھے تاہم کار کا ٹائر پھٹ پڑنے کے نتیجہ میں کار ڈیوائیڈر سے ٹکراگئی۔ اسی دوران حیدرآباد جانے والی لاری نے کار کوٹکر دے دی جس کے نتیجہ میں ماروتی ریڈی موقع پر ہی ہلاک ہوگیا۔ کار کے دیگر چار افراد شدید زخمی ہوگئے۔
یہ بھی پڑھیں:اکبرالدین اویسی کی جانب سے 500 اساتذہ میں راشن کی تقسیم
تمام زخمیوں کو علاج کے لئے نظام آباد کے سرکاری اسپتال لے جایاگیا جہاں سے بہتر علاج کے لئے ان کو حیدرآبادکے پرائیویٹ اسپتال منتقل کیا گیا۔ بتایاگیا کہ مہلوک ماروتی ریڈی کی شادی دو سال پہلے ہی ہوئی تھی۔
یو این آئی
