تلنگانہ کے وزیرانفارمیشن ٹکنالوجی کے تارک راما راو راجنا سرسلہ ضلع میں جاریہ ہفتہ سرکاری کالجس کے 11ویں اور12ویں جماعتوں کے طلبہ میں خصوصی سافٹ ویر اور کوچنگ مٹیرئیل کے ساتھ ٹیابلٹس تقسیم کریں گے۔اپنی سالگرہ کو بامعنی بنانے کے لئے وزیرموصوف نے تین سال پہلے گفٹ اے اسمائل پروگرام کا آغاز کیاتھا۔ KTR will Distribute Tablets in His Constituency
امسال اسی اقدام کے تحت وزیرموصوف نے طلبہ میں ٹیابلٹس تقسیم کرنے کافیصلہ کیا تھا۔ان ٹیابلٹس کی تصاویر کو شیئر کرتے ہوئے وزیر موصوف نے ایک ٹوئیٹ کیا جس میں انہوں نے راجنا سرسلہ کے سرکاری کالجس کے طلبہ کو ٹیابلٹس فراہم کرنے کا وعدہ پورا کررہا ہوں۔ان ٹیابلٹس کی اس ہفتہ تقسیم عمل میں لائی جائے گی۔جاریہ سال اپنی سالگرہ کے موقع پر وزیرموصوف نے اپنی طرف سے یہ ٹیابلٹس طلبہ میں تقسیم کرنے کا اعلان کیا تھا۔گفٹ اے اسمائل مہم کے حصہ کے طورپر وہ شخصی طورپر یہ ٹیابلٹس تقسیم کریں گے۔ان کاکہنا ہے کہ اس سے طلبہ کو اضافی تعلیمی مواد حاصل ہوسکے گاجس کے ذریعہ وہ مسابقتی امتحانات کی بہتر طورپر تیار ی کرسکیں گے۔ KTR Shared Photos of Tablets
