ریاستی وزیر اجے کمار نے زیڈ پی سنٹر، تملاگڈہ، بوناکل چوراہا، چرچ کمپاؤنڈ، سرینواس نگر، ظہیرپورہ، ہرکر باوی سنٹر، پی ایس آر روڈ، گنٹی ملنا مندر روڈ، جوبلی پورہ، میوری سنٹر، بس ڈپو روڈ، سریتا کلینک سنٹر،گائتری سنٹر اور دیگر علاقوں کا وزیر موصوف نے سائیکل پر دورہ کیا۔
تلنگانہ کے وزیر ٹرانسپورٹ پی اجے کمار نے اپنے سائیکل دورے کے موقع پر زیر التوا کاموں کو جلد مکمل کرنے کی ہدایت دی۔
ان علاقوں میں ترقیاتی کاموں اور توسیعی کاموں کے ساتھ ساتھ ڈرینج کے کام، سڑکوں کی توسیع کے کام، بجلی کے کام، انٹرنل پائپ لائنس اور سینی ٹیشن کے کاموں کا انہوں نے تفصیلی جائزہ لیا۔
بتایا جارہا ہے کہ وزیر موصوف نے کاموں میں لاپرواہی اور سستی پر عہدیداروں کی سرزنش بھی کی اور کاموں میں تیزی پیدا کرنے کی ہدایت دی۔ انہوں نے کہا کہ کاموں کی تکمیل میں معیار پر کوئی مفاہمت نہیں کی جانی چاہئے اور کاموں کی وجہ سے راہگیروں و گاڑی سواروں کو مشکلات نہ ہونے پائے۔
