مزدوروں لے جانے والی بس حادثہ کا شکار

نظام آباد میں راجستھان جانے والی مزدوروں کی بس حادثہ کا شکار ہو گئی۔ اس واقعے میں کسی جانی نقصان کی اطلاع نہیں ہے۔

نقل مکانی کرنے والے مزدوروں کو لے جانے والی بس حادثہ کا شکار ہوگئی۔یہ حادثہ ریاست تلنگانہ کے ضلع نظام آباد میں پیش آیا۔

تفصیلات کے مطابق بس میں تلنگانہ سے راجستھان کو ان مزدوروں کو لے جایاجارہا تھا تاہم ضلع کے مونڈورا منڈل کے بُساپور کے قریب بس کے ڈرائیور نے اس کا توازن کھودیا اور یہ بس الٹ گئی۔

اس حادثہ میں بس کا ڈرائیور زخمی ہوگیاتاہم بس میں سفر کرنے والے تمام مزدور محفوظ رہے۔اطلاع ملتے ہی عہدیدار وہاں پہنچے جنہوں نے صورتحال کاجائزہ لیا اور دوسری بس سے ان مزدوروں کو روانہ کیا۔