حیدرآباد: تلنگانہ مائنارٹی فینانس کارپوریشن کے چیئرمین محمد امتیاز اسحاق نے مینارٹی کمیونیٹی پروڈکشن سنٹر کے تحت چلائے جارہے 11 ٹیلرنگ سنٹرس کا جائزہ اجلاس حج ہوز میں واقع اپنے دفتر پر طلب کیا۔ بعدازاں میڈیا سے بات کرتے ہوئے امتیاز اسحاق نے بتایا کہ عنقریب وہ ان سنٹرس کا دورہ کریں گے اور مزید سنٹرس کا قیام عمل میں لانے کا تیقن بھی دیا۔ Telangana MFC Review Meeting Held in Hyderabad
انہوں نے بتایا کہ گھر بیٹھے روزگار کے سلسلے میں خصوصا خواتین کو موقع فراہم کرنے کا بھی تیقن دیا۔ انہوں نے بتایا کہ پہلے ان سنٹرس کو ٹی آر ایس گورنمنٹ کی جانب سے بیس لاکھ کی لاگت سے سہولتیں فراہم کی گئی تھیں جس کے ذریعہ کئی خواتین کو سلائی مشینز و دیگر روزگار کے ذارئع بھی فراہم کیے گئے تھے جس سے کثیرتعداد میں غریب عوام نے استفادہ کیا تھا۔ اسی طرح سنٹرز کی جانب سے چیرمین مائنارٹی فینانس کارپوریشن سے مطالبہ کیا گیا کہ حکومتی اداروں کے یونیفارمز کا آرڈر ان گیارہ سنٹرس کو دیا جائے جس پر چیرمین امتیاز اسحاق نے مطالبے کی تکمیل کا بھی تیقن دیا۔
