تلنگانہ میں ایک خاتون ماؤنواز نے جمعہ کےروز ریاست کے ڈائریکٹر جنرل پولیس ایم مہندر ریڈی کے سامنے خود سپردگی کی۔
ماؤ نواز جگّیری سمکّا عرف شاردا 18 سال کی عمر میں سال 1994 میں پیپلز وار پارٹی کی طرف راغب ہوئی۔ وہ محبوب نگر تلنگانہ کے گنگارام کی رہائشی تھیں۔
یہ بھی پڑھیں:تلنگانہ کانگریس صدر نے ششی تھرور پر دیے بیان پر معذرت کی
پولیس نے بتایا کہ شاردا نے صحت کی وجوہات کی بنا پر مارکسی کمیونسٹ پارٹی کے نظریات پرسے اعتماد کھو جانے کے بعد آج ڈی جی پی کے سامنے خودسپردگی کردی۔ وہ ماؤ نواز رہنما ہری بھوشن کی بیوی ہے۔ جو اس سال جون میں کورونا انفیکشن کی وجہ سے فوت ہوگیاتھا۔
ماونواز پہلے بھدرادری کوٹھاڈیم ضلع کی سرحد سےمتصل چارلا شبری علاقے میں ماؤ نواز پارٹی کے کمانڈر کی حیثیت سے کام کرتی تھی اور فی الحال ضلع کمیٹی کے رکن تھیں۔
