حیدرآباد: رہاست تلنگانہ کے وزیر داخلہ محمد محمود علی نے آتشزدگی واقعے کے بعد حیدرآباد (سکندآباد) میں واقع سوپنا لوک کمپلیکس کا دورہ کیا۔ اس موقعے پر لاسانی سرینیواس یادو بھی وزیرداخلہ کے ساتھ تھے۔ جائے وقوع کا معائنہ کرنے کے بعد ریاستی وزیر داخلہ نے ہسپتال میں زیر علاج لوگوں کی عیادت کی۔ ریاستی وزیر داخلہ محمد محمود علی نے کہا کہ یہ ایک افسوسناک واقعہ ہے۔ لوگوں کی موت افسوسناک ہے۔ ہماری حکومت اس حادثے میں ہلاک ہونے والوں کے خاندان کے ساتھ ہے اور متاثرین سے پوری ہمدردی ہے۔ واقعے کی تفصیلی رپورٹ طلب کرلی گئی ہے۔ جلد ہی رپورٹ مل جائے گی۔پورے معاملے کی جانچ کی جائے گی۔
وزیر موصوف نے عوام سے اپیل کی ہے کہ وہ کسی بھی کامپلیکس یا عمارتوں میں قیام یا کاروبار کرنے سے قبل فائر محکمہ کی اجازت لیں ۔فائرسیفٹی کا پورا خیال رکھے۔کمپلیکس میں فائر سیفٹی کے لئے خصوصی انتظامات کرنے کی بھی اپیل کی گئی ہے۔ انہوں نے دکھ کا اظہار کرتے ہوئے کہا کہ سوپنا لوک کامپلیکس میں آگ کے حادثے سے چھ ہونہار نوجوان ہلاک ہوئے ہیں جس کی تلافی ممکن نہیں۔آخر میں کہاکہ وزیر اعلیٰ کلوا کنٹلا چندراشیکھر راؤ نے اعلان کیا ہے کہ تلنگانہ حکومت حادثہ میں ہلاک ہونے والوں کے لوگوں کے خاندان کو پانچ۔ پانچ لاکھ روپے کا معاوضہ دیا جائے گا۔
یہ بھی پڑھیں:Sikandrabad Complex Blaze سکندرا آباد کے ایک کمپلیکس میں آتشزدگی، تین بی پی او ملازمین سمیت چھ افراد ہلاک
واضح رہے کہ حیدرآباد (سکندآباد) کے سپنا کمپلیکس میں بھیانک آگ لگنے کے واقعے میں چھ لوگوں کی موت ہوگئی۔اس واقعے میں متعدد افراد زخمی ہوئے تھے جن میں چند خواتین بھی شامل ہیں۔ریاستی حکومت کی جانب سے آتشزدگی کے واقعے میں ہلاک ہونے والے لوگوں کے رشتہ داروں کو پانچ ۔پانچ لاکھ روپے معاوضہ دینے کا اعلان کیا ہے۔
