ریاست تلنگانہ ہائی کورٹ نے چیف سکریٹری سمیت اعلی عہدیداروں کو ریاست میں کووڈ 19 انتظامات سے متعلق عرضی کے سلسلے میں 28 جولائی کو عدالت میں پیش ہونے کی ہدایت دی ہے۔
چیف سکریٹری کے علاوہ صحت کے پرنسپل سکریٹری، پبلک ہیلتھ اینڈ فیملی ویلفیئر کے ڈائریکٹر اور میڈیکل ایجوکیشن کے ڈائریکٹر اور گریٹر حیدرآباد میونسپل کارپوریشن کے کمشنر کو 28 جولائی کو تلنگانہ ہائی کورٹ کے روبرو پیش ہونے کو کہا گیا۔
اس معاملے کے بارے میں بات کرتے ہوئے ، درخواست گزاروں کے وکیل ، چیکوڈو پربھاکر نے کہا کہ""چیف جسٹس پر مشتمل ہائی کورٹ کے ڈویژن بینچ نے ، تلنگانہ ڈیموکریٹک فورم کی عرضی (پی آئی ایل) پر سماعت کی، جو پروفیسر پی ایل وشویشور راؤ اور ڈاکٹر چیروکو سدھاکر نے وسیع پیمانے پر دائر کی ہے۔
۔ انہوں نے کہا کہ 'میں نے عدالت کے نوٹس میں یہ بھی لایا کہ نظام آباد، نلگنڈہ اور ورنگل میں کووڈ 19 مریض آکسیجن کی عدم فراہمی کی وجہ سے اپنی زندگی سے محروم ہو رہے ہیں۔'
پربھاکر نے یہ بھی کہا کہ 'انہوں نے حیدرآباد کے عثمانیہ جنرل اسپتال کا معاملہ اٹھایا، جہاں وارڈوں میں بارش اور نالیوں کے پانی سے سیلاب آچکا ہے، اور انہوں نے یہ بھی کہا ہے کہ ریاست میں 2،00،000 کٹس کا استعمال کرکے ریپڈ اینٹیجن جانچ کروائی جائے۔'
"عدالت نے حکومت کو ہدایت کی کہ وہ ریاست کے تمام مطلع شدہ کووڈ اسپتالوں میں آکسیجن سلنڈروں کی دستیابی کو یقینی بنائے اور رپورٹ عدالت میں پیش کرے۔ حکومت کو یہ ہدایت بھی کی کہ وہ جہاں بھی ضرورت ہو وہاں لوگوں کو ریپڈ اینٹیجن ٹیسٹ کروائے اوررپورٹ اگلی سماعت پر جمع کروائے۔''
واضح رہے کہ تلنگانہ میں پیر کے روز کورونا کے 1،198 نئے مثبت معاملے اور سات اموات ریکارڈ کی گئیں۔ ریاست کے محکمہ صحت کے مطابق، کیسوں کی مجموعی تعداد 46،274 ہوگئی جن میں 11،530 اکٹیوں معاملات اور 422 اموات شامل ہیں۔
