تلنگانہ میں روزبروز کورونا کے معاملات میں اضافے کے پیش نظر گورنر تمیلی سائی سوندرا راجن نے نجی اسپتالوں کے نمائندوں کے ساتھ اجلاس منعقد کیا۔ویڈیوکانفرنسنگ کے ذریعہ ہوئے اس اجلاس میں کوویڈ 19کے علاج،بیڈز،جانچ،بلز،عوامی شکایات کا گورنر نے جائزہ لیا۔
یہ بھی پڑھیں: لاک ڈاون کے دوران کے برقی بلز معاف کرنے کا مطالبہ
ریاستی دارالحکومت حیدرآباد میں کورونا وائرس کی جانچ اور اس کا علاج کرنے کے لئے نجی اسپتالوں کی جانب سے بھاری بلز عوام سے وصول کئے جانے کی اطلاعات موصول ہوئی ہیں۔کئی نجی اسپتالوں میں کورونا کے مریضوں کو داخل کرنے سے بھی انکار کی شکایتیں مل رہی ہیں۔
دو دن قبل کورونا متاثرہ ڈاکٹر سلطانہ نے اپنے سیلفی ویڈیو میں روتے ہوئے کہا تھا کہ نجی ہسپتال میں ایک دن کا ایک لاکھ 15 ہزار روپئے چارج کیا جارہا ہے۔
