تلنگانہ حکومت جلد ہی اسپیس ٹیک پالیسی متعارف کرے گی

حکومت کا ماننا ہے کہ اس پالیسی سے مزید اسٹارٹ اپس پیداہوں گے اور اس شعبہ کی صنعتوں میں بھی اضافہ ہوسکے گا۔

تلنگانہ حکومت جلد ہی اسپیس ٹیک پالیسی متعارف کرے گی۔توقع ہے کہ یہ پالیسی صنعتی ترقی اور مینوفیکچرنگ کے شعبہ کو مستحکم کرنے میں مددگار ثابت ہوگی۔ایرواسپیس کے شعبہ میں نجی کاری کے پیش نظریہ پالیسی لانے کے اقدامات کئے جارہے ہیں۔

حکومت کا ماننا ہے کہ اس پالیسی سے مزید اسٹارٹ اپس پیداہوں گے اور اس شعبہ کی صنعتوں میں بھی اضافہ ہوسکے گا۔اس کے ذریعہ پرائیویٹ عوامی شراکت داری مستحکم ہوسکے گی۔اس پالیسی کو موثربنانے کے لئے مختلف اداروں اور شہریوں سے تجاویز و مشورے حاصل کئے جائیں گے۔

بتایا جاتا ہیکہ 25 اکتوبر تک ریاست کی اسپیس ٹیک پالیسی کی تیاری کا کام مکمل کرلیاجائے گا۔

یو این آئی