وزیراعظم مودی نے تلنگانہ کے عوام کو یوم تاسیس کی مبارکباد پیش کی ہے۔انہوں نے اس سلسلہ میں ٹوئیٹ کرتے ہوئے کہا”تلنگانہ،جفاکشی کا ہم معنی اور قومی ترقی کیلئے بے مثال جذبہ رکھتا ہے۔PM Modi, Chief Minister KCR Extend Greetings
ریاست کے یوم تاسیس کے موقع پر تلنگانہ کی بہنوں اور بھائیوں کو میری مبارکباد۔تلنگانہ کی ثقافت عالمی شہرت کی حامل ہے“۔اسی دوران تلنگانہ سے تعلق رکھنے والے مرکزی وزیر جی کشن ریڈی نے بھی تلنگانہ کے عوام کو مبارکباد پیش کی ہے۔
انہوں نے ٹوئیٹ کرتے ہوئے کہا کہ بی جے پی تلنگانہ کے عوام کے خوابوں کو پوراکرے گی۔ مرکزی حکومت تلنگانہ کی ترقی کے لئے کام کررہی ہے۔مجھے وزیراعظم مودی کی قیادت پر مکمل اعتماد ہے۔تلنگانہ، ترقی کی راہ پر مزید گامزن ہوگی۔مرکزی وزیر نے نئی دہلی میں واقع اپنی قیامگاہ پر قومی پرچم بھی لہرایا۔
