کانگریس رہنماؤں نے مودی حکومت پر ملک کو مذہب کے نام پر تقسیم کرنے کا الزام عائد کیا اور کہا کہ ڈاکٹر امبیڈکر نے جس ملک کی بنیاد جمہوریت پر رکھی گئی تھی آج اسے مذہب کے نام پر بانٹا جارہا ہے اور یہ دستور کے خلاف ہے۔انہوں نے کہا کہ کانگریس پارٹی مرکزی حکومت پر اس متنازعہ قانون کو واپس لینے کیلئے دباؤ ڈالتی رہے گی۔
کانگریس قائد فیروز خان نے مودی حکومت کی پالیسی پر اعتراض کرتے ہوئے کہا کہ یہ ملک کو ہندوتوا میں تبدیل کرنے کی سازش کر رہی ہے لیکن کانگریس پارٹی اس خواب کو پورا ہونے نہیں دے گی۔ اگر حکومت زبر دستی اپنے فیصلے مسلط کرتی ہے تو کانگریس اقتدار میں آنے کے بعد ان کو منسوخ کردیگی۔
نوجوان کانگریس رہنما انیل کمار نے بھی اس موقع پر جامعہ ملیہ اسلامیہ کے طلباء پر پولیس کی بربریت پر مذمت کرتے ہوئے کہا کہ وہ اس ظلم اور قانون کے خلاف مسلمانوںکے ساتھ ہیں۔
