وزیراعلیٰ نے طبی عملہ کی مجموعی تنخواہ پر دس فیصد مراعات دینے کا اعلان کیا ہے۔
کے چندرشیکھر راؤ نے ایک پریس کانفرنس سے خطاب کرتے ہوئے تمام طبی عملہ کے سوئپر سے لیکر ڈائرکٹر تک کا شکریہ ادا کیا اور ان کی قابل قدر خدمات کی سراہنا کی۔
کے سی آر نے کورونا وائرس سے نمٹنے کےلیے خدمات انجام دینے والے سرکاری ملازمین کو تحفہ کے طور پر دس فیصد اضافی تنخواہ دینے کا اعلان کیا ہے۔
انہوں نے کہا کہ قابل قدر خدمات کو دیکھتے ہوئے ان کی حوصلہ افزائی کےلیے تنخواہ کا دس فیصد تحفہ کے طور پر دیا جائے گا جبکہ رقم بہت جلد اکاونٹس میں منتقل کردی جائے گی۔
وزیراعلیٰ نے لاک ڈاون کے دوران ڈاکٹرس، طبی عملہ اور ایمرجنسی خدمات انجام دینے والوں کو ان کی خدمات پر خراج تحسین پیش کیا۔ اسی طرح جی ایچ ایم سی اور محکمہ بلدی و محکمہ پنچایت راج کے ملازمین کو صدفیصد تنخواہیں ادا کئے جائیں گی جبکہ ان کی تنخواہوں میں کٹوتی کا قبل ازیں فیصلہ لیا گیا تھا۔
