حیدرآباد: تلنگانہ کے وزیراعلیٰ کے چندرشیکھرراو نے گاندھی جی کو ان کی 153ویں یوم پیدائش کے موقع پر خراج عقیدت پیش کیا اور کہا کہ گاندھی جی نے عوام کو پہلے التماس اور التجا کرنے کے جمہوری طریقہ کار اور پھر احتجاج کرنے و ملک کی آزادی کے حصول کے لیے جدوجہد کے طریقہ کار کے بارے میں بتایا تھا۔ KCR Tribute to Mahatma Gandhi
وزیراعلیٰ کے دفتر نے ٹوئیٹس میں کہا کہ وزیراعلیٰ نے یاد دہانی کروائی کہ تلنگانہ ریاست،گاندھی جی کے احتجاج کے طریقہ اور فلسفہ سے جذبہ حاصل کرتے ہوئے پُرامن تحریک کے ذریعہ حاصل کی گئی۔ وزیراعلیٰ نے کہاکہ گاندھی جی کا یقین سچ کی جیت میں تھاجو موجودہ اور آنے والی نسلوں کے لیے جذبہ پیدا کرے گا۔
یہ بھی پڑھیں: Gandhi Jayanti صدر اور وزیراعظم سمیت کئی سیاسی رہنماؤں نے مہاتما گاندھی کو خراج عقیدت پیش کیا
گاندھی جی نے عدم تشددکے اُصولوں پر عمل کرتے ہوئے دنیا کو احتجاج کا نیا طریقہ بتایا اور ہندوستان کی آزادی کے لیے لڑائی کے دوران برطانوی سامراج کے خلاف ستیہ گرہ کیا۔راو نے کہا کہ گاندھی جی نے آزادی کی تحریک کے دوران مقصد کے حصول کے لیے جدوجہد سے عوام کو واقف کروایا۔
یو این آئی
