چندر شیکھر راؤ نے وزیر اعظم سے ملاقات کے دوران ریاست کے کئی ایشوز پر بات چیت کی۔ اس سے قبل وزیراعلی نے مرکزی وزیر شہری ہوا بازی سے ملاقات کے دوران ریاست کے 6 اضلاع میں ایئر پورٹ کے قیام کو منظوری دینے کی درخواست کی۔جن میں بسنت نگر کریم نگر، جکران پلی نظام آباد، عادل آباد، مامنور ورنگل، دیورکدرہ محبوب نگر اور بھدرادری کتہ گوڑم شامل ہیں چندرشیکھر راو نے بیڈروم مکانات کی تعمیر کے لئے فنڈز جاری کرنے کی درخواست کی۔
وزیراعلی چندرشیکھر را ریاست میں کئی دن سے حل طلب مسائل کی یکسوئی کرنے متعلقہ وزرا سے ملاقات کر رہے ہیں۔ اسی کے ایک حصے کے طور پر چندرشیکھر راو مرکزی وزیر نتن گڈکری سے ملاقات کرتے ہوئے قومی شاہراہوں کے لئے مالی اعانت پر تبادلہ خیال کریں گے۔ گذشتہ روز وزیر اعلی نے مرکزی آبی وسائل کے وزیر گجیندر سنگھ شیخاوت اور وزیر داخلہ امیت شاہ سے ایک ملاقات کی تھی اور ریاست کو درپیش مسائل سے واقف کروایا تھا۔
