تلنگانہ کے ضلع جگتیال کے کورٹلہ ٹاون میں کپڑوں کے ایک بڑے شوروم میں آگ لگنے کا واقعہ پیش آیا۔
یہ آگ کورٹلہ ٹاون کی کُلورروڈ کے آنند شاپنگ مال میں بھڑک اٹھی۔ یہ واقعہ منگل کےروز نصف شب کو پیش آیا۔
آگ کے شعلے کافی تاخیر سے دیکھے گئے۔مقامی افراد نے کھڑکیوں کے شیشوں کی آوازیں سنی اور آگ کے شعلوں کو دیکھ کر فوری طورپر فائربریگیڈ کے اہلکاروں کو چوکس کیا۔
یہ بھی پڑھیں:تلنگانہ ہائی کورٹ کی چیف جسٹس ہیما کوہلی کی سپریم کورٹ جج کے طور پر ترقی
اگرچہ کہ فائربریگیڈ کے اہلکاروں نے آگ پر کافی جدوجہد کے بعد قابو پایا تاہم یہ تین منزلہ شوروم جل کر خاکستر ہوگیا۔
مال کے انتظامیہ کے مطابق تقریبا 6تا7کروڑ روپئے کے کپڑے اور دیگر سامان آگ کی نذرہوگئے۔اگرچہ کہ آگ لگنے کی وجہ فوری طورپر معلوم نہ ہوسکی تاہم شبہ کیاجارہا ہے کہ شارٹ سرکٹ آگ لگنے کی اہم وجہ ہے۔انتظامیہ نے شبہ ظاہر کرتے ہوئے کہا کہ شاپنگ مال میں رکھا ایک دیا بھی آگ لگنے کی وجہ ہوسکتی ہے۔
یواین آئی
