حیرت انگیز طور پر ڈسٹرکٹ ایجوکیشن آفیسر نے اس اسکول کی عمارت کو مخدوش قرار دیتے ہوئے اس کا متبادل تلاش کئے بنا اسکول خالی کرنے کے احکامات جاری کئے جس سے طلباء و اساتذہ میں بے چینی پائی جارہی ہے۔
اس اسکول میں زیر تعلیم طلبا اپنے مستقبل کو لے کر پریشان ہیں۔
اسکول کے طلباء نے ای ٹی وی بھارت سے بات کرتے ہوئے متعلقہ عہدیداروں اور حکومت سے اسکول کو منتقل نہ کرنے کا مطالبہ کیا۔ انہوں نے کہا کہ اسکول کی منتقلی سے انہیں کافی دشواریاں پیش آئیں گی۔
طلبا کا کہنا ہے کہ اسکول کی منتقلی کے بجائے عمارت کی مرمت کی جائے تو بہتر ہوگا۔
ای ٹی وی بھارت نے جب ڈی ای او سے رابطہ کرنے کی کوشش کی تو ڈی ای او کسی بھی طرح رابطے میں نہیں آئے۔
اس مسئلہ پر کانگریس رہنما عثمان محمد خان نے اسکول کی عمارت کی منتقلی کو منظم سازش قرار دیا اور کہا کہ اس کے پیچھے سیاسی طاقتیں کار فرما ہیں جو اپنے مفاد کی خاطر طلباء کے مستقبل سے کھلوا کررہی ہیں۔
انہوں نے بتایا کہ وہ اس اسکول کی منتقلی کے خلاف احتجاج کریں گے-
عثمان محمد خان نے عوام سے اپیل کی کہ وہ اردو اسکول اور طلباء کے تحفظ کیلئے آگے آئیں۔
