ریاست تلنگانہ کی حکومت کی جانب سے حال ہی میں متعارف کردہ نئے میونسپل بل کو رد کر دیا گیا ہے۔
واضح رہے کہ جنوبی ریاست تلنگانہ کے وزیر اعلی کے سی آر نے بل کے اندر ستمبر میں انتخابات منعقد کرانے کی بات کی تھی جبکہ بلدیاتی انتخابات منعقد کرانے کا معاملہ پہلے ہی ہائی کورٹ میں زیر التوا ہے۔
آپ کو بتا دیں کہ ریاستی گورنر ای ایس ایل نرسمہن نے بل کے چند نکات میں تبدیلی کی ہدایت دی ہے اور فی الوقت اسے رد کر دیا ہے۔
گورنر کی جانب سے اس بل کو جزوی طور پر رد کئے جانے پر اپوزیشن نے اس اقدام کی ستائش کی۔
سوشلسٹ پارٹی آف انڈیا کی رہنما لبنی ثروت نے ای ٹی وی بھارت سے بات کرتے ہوئے گورنر کے اس اقدام کو قابل ستائش قرار دیتے ہوئے وزیر اعلی پر جمہوری اقدار کو پامال کرنے کا الزام عائد کیا۔
انہوں نے کہا کہ کے سی آر ہر معاملے میں اپنی من مانی کرنا چاہتے ہیں لیکن انہیں یہ نہیں بھولنا چاہیے کہ یہ ملک ایک جمہوری ملک ہے جہاں ہر فرد کو جمہوری نظام کے تحت اقدام کرنے ہوتے ہیں۔
